Мэдэгдэл

#Мэдэгдэл авах

Шинэ эвент, хямдрал, чухал зарыг утасныхаа мэдэгдлийн хэсэгт (бусад апп шиг) авна. Бүртгэл шаардлагагүй.

1. Толгойн 🔔 хонх → Мэдэгдэл хуудас.
2. Миний сум-аас сумаа сонговол бүх аймгийн мэдэгдлээс гадна тухайн сумынх ирнэ.
3. Мэдэгдэл авах → хөтчийн асуултад Зөвшөөрөх (Allow).

• iPhone, iPad: Apple зөвхөн нүүр дэлгэцэд суулгасан апп руу мэдэгдэл илгээхийг зөвшөөрдөг. Эхлээд сайтыг апп болгон суулгаад, суулгасан аппаас энэ алхмыг хийнэ (iOS 16.4 ба түүнээс шинэ).
• Шөнийн 22:00–08:00 цагт мэдэгдэл илгээхгүй — өглөө ирнэ.
• Мэдэгдэл дээр дарахад тухайн зар, эвент, байгууллага, мэдээ рүү шууд орно.
• Болих бол мөн хуудсанд Болих дарна.

"Зөвшөөрөл өгөөгүй" гэвэл хөтчийн хаягийн мөрний 🔒 дүрс → Мэдэгдэл → Зөвшөөрөх. Brave хөтөчид Тохиргоо → Нууцлал → "Use Google services for push messaging"-ийг асаана.

#Өөрийн зар, эвентийг мэдэгдлээр илгээх

Өөрийн зар, эвент, байгууллага (эрхтэй бол мэдээ)-г мэдэгдэл захиалсан бүх хүний утсанд хүргэж болно.

1. Тухайн зүйлийн хуудсанд Мэдэгдлээр илгээх (зөвхөн танд харагдана).
2. Хэнд хүргэх: Бүх аймаг эсвэл тухайн сум. Хажууд нь хэдэн хүн захиалсан, үнэ гарна.
3. Нэмэлт мессеж (140 тэмдэгт хүртэл, заавал биш) — жишээ: "Энэ бямба гарагт 20% хямдралтай!". Дээр нь утсанд яг яаж харагдахыг урьдчилан харуулна.
4. Илгээх. Үнэгүй бол дараалалд орж хэдэн минутад илгээгдэнэ.

• Нэг хүн 7 хоногт бүх аймагт 1, суманд 2 удаа илгээнэ (хүмүүсийг ядраахгүйн тулд).
• Дууссан эвент, хугацаа дууссан эсвэл устгасан зарыг илгээх боломжгүй.

#Төлбөртэй мэдэгдэл (Byl.mn)

Мэдэгдэл үнэтэй бол Илгээх дарахад Byl.mn-ийн төлбөрийн хуудас нээгдэнэ — QPay, банкны апп эсвэл картаар төлнө. Төлбөр баталгаажмагц мэдэгдэл автоматаар илгээгдэнэ.

• Төлөөд сайт руу буцаж ирэхэд "Төлбөр баталгаажлаа" гэж гарна. "Хараахан баталгаажаагүй" гэвэл хэдэн минутын дараа өөрөө баталгаажна.
• Төлөхөө больсон бол Миний мэдэгдлүүд-ээс Цуцлах, эсвэл дараа Төлөх. 2 хоног төлөгдөөгүй бол автоматаар цуцлагдана.

#Хэдэн хүн үзсэн бэ

Миний мэдэгдлүүд хэсэгт илгээсэн мэдэгдэл бүрийн:

• Хүнд хүрсэн — утас, компьютерт нь очсон тоо
• Нээсэн — мэдэгдэл дээр дарж орсон хүний тоо (нэг хүн нэг л удаа тоологдоно)
• Нээлтийн хувь — хүрсэн хүмүүсийн хэдэн хувь нь нээсэн